Keridwal

Keridwal

Barzhaz

Ar bras eus ar barzhonegoù a ya d’ober ar barzhaz-mañ zo bet embannet e-barzh Al Liamm etre 1984 ha 2016.

Ar stroll anezhe a ya d’ober un oberenn kempoell ha dibar. Awenet-kreñv eo an aozer koulz gant bed kevrinus ar Grennamzer ha gant ar sonerezh.

A-bouez eo kellusk ha sonusted ar gwerzennoù evitañ, arc’hane an arver a ra en e varzhoniezh eus ar c’hlotennoù-diabarzh – un doare gwerzaouiñ en e vleuñv e brezhoneg en amzer-hont.

Barzhonegoù hiraezhus a lennfer amañ diwar-benn karantezioù dizeürus pe kuzh, diwar-benn ar marv hag ar bed all… barzhonegoù deskoni hag a denn da harozed an Daol-Grenn – meur a livemeizañ dezhe – koulz ha reoù diwar-benn un dodenn hollvedel evel al Loar.

Keridwal, lec’h a galon, morse perc’hennet, gweladennet e kuzh, faltaziet dindan pluenn an aozer, a ziskuilh dimp darn eus e gevrinoù.