Arctic pilgrim – war roudou John Rae

Arctic pilgrim – war roudou John Rae

Pa ra Ewen Ramsay anaoudegezh gant ar Skosad Duncan Mackay, war-zigarez un abadenn en ostaleri Aber, en deus ar santimant dizoleiñ un tamm eus e wriziennoù a-berzh tad, skosat eñ ivez. Met kalz pelloc’h e vo kaset ar studier yaouank.
Rak genidik e oa John Rae eus an enezeg Orkney, evel Duncan. An hini, a lavarer, en dije dizoloet, en XIXvet kantved, “Hent-treizh ar Gwalarn”, a gasfe ar bigi betek Azia.
Pa vo pedet Ewen gant Duncan da gemer perzh en ur veaj war hent John Rae en Arktika, evit buheziñ skiantourien ha touristed pinvidik, ne soñj ket dezhañ en em gavout e-kreiz ur jeu politikel o trenkaat.