Eost

Eost

Goude an teskad Gwalarn (Al Liamm, 2025) a c’hoarveze eus danevelloù an emsav lennegel brezhonek lusket e 2025, Emglev ar Skrivagnerien Vrezhonek SKRIV ! (krouet e 2024) a ginnig un teskad nevez a skridoù berr, kempred ar wech-mañ, skrivet ha troet gant an izili o-unan.

An danevell a zo ur stumm lennegel prizet kaer ha pleustret kenañ e brezhoneg abaoe mare Gwalarn. Hag e c’heller soñjal e vez kendalc’het an hengoun-se gant an aozerien embannet en teskad-mañ.

Kavet e vo amañ un dibab eus unnek danevell. Mennet e oamp da ziskouez un tañva eus ar c’hrouiñ e brezhoneg a vremañ en e liesseurtiezh : mousfent diroll, istor, suspense, darempredoù familh, mignoniezh ha karantez, sell digunvez ur bugel war ar bed, skiant-faltazi… Istorioù hag a dremen etre 1916 hag ar mare-mañ.

Evel Gwalarn 2025, Eost a zo embannet en ur stumm divyezhek brezhoneg-galleg. Emichañs e vo respontet neuze ouzh ur goulenn liesseurt hag a zo o kreskiñ : deskidi brezhonek, yezherien vrezhonek ha na vezont ket gwall en o aez gant ar stumm skrivet, hag ivez –last but not least– lennerien c’hallek ha na ouzont na bu na ba diwar-benn ar c’hrouiñ lennegel e brezhoneg.