Roc’h stur

Roc’h stur

An dibab barzhonegoù a ya d’ober Roc’h Stur a zo bet dastumet a-hed ar bloavezhioù, daoust ma n’int ket kinniget amañ diouzh red an amzer. Lod a oa bet embannet tu pe du dija (Al Liamm, Anagramme, Keit Vimp Bev, Le Petit Véhicule, Littérale, Skol Vreizh…). Ar re goshañ a oa bet skrivet e galleg. Ar re-se zo bet adwelet don. Treiñ a dalvez cheñch kalon ha n’eo ket cheñch dilhad nemetken.
Kement-se a zo kaoz ez eo ken liesseurt barzhonegoù an torkad-mañ, a-fet awen ha stumm. Karantez, kañv, stourm ha treuzkas, burzhud ar vuhez… Emichañs e kavo pep lenner e hent dezhañ e-unan etre pajennoù Roc’h Stur, ar garreg gwell-anvet-se a weler e-kreiz bae Perroz-Gireg, dirak enezeg ar Jentilez.